Memleket basshysy Qasym-Jomart Toqaev «Qazaqstan Respýblikasynyń Úkimeti týraly» jarlyqqa qol qoidy, dep habarlaidy ult.kz.
Jarlyqqa sáikes, jańadan sailanǵan Qazaqstan Respýblikasy Quryltaiynyń aldynda Úkimettiń ókilettigin doǵarýyna bailanysty qazirgi Úkimet jańa quram bekitilgenge deiin óz mindetterin atqara beredi.
— Qazaqstan Respýblikasy Konstitýtsiiasynyń 69-babynyń 1-tarmaǵyna, «Qazaqstan Respýblikasynyń Úkimeti týraly» Qazaqstan Respýblikasy Konstitýtsiialyq zańynyń 4-babyna sáikes jańadan sailanǵan Qazaqstan Respýblikasy Quryltaiynyń aldynda Qazaqstan Respýblikasy Úkimetiniń ókilettigin doǵarýyna bailanysty QAÝLY ETEMIN:
Qazaqstan Respýblikasy Úkimetiniń jańa quramy bekitilgenge deiin Qazaqstan Respýblikasynyń Úkimeti óz mindetterin atqaratyn bolsyn, — delingen qujatta.
Jarlyq qol qoiylǵan kúninen bastap kúshine endi.
Aita keteiik, birinshi shaqyrylymdaǵy Quryltaidyń birinshi sessiiasy ótip jatyr.
