Foto: Gov.kz
Prezidenttiń Kaspiidi keshendi zerdeleý jáne saqtaý, sondai-aq óńirdiń ekologiialyq turaqtylyǵyn qoldaý jónindegi tapsyrmalaryn oryndaý sheńberinde Úkimet rezervinen «Kaspii teńizi Qazaq ǵylymi-zertteý institýty» AQ-ǵa 1,1 mlrd teńge bólindi, dep habarlaidy Ult.kz.
Tiisti Qaýlyǵa Premer-ministr Oljas Bektenov qol qoidy.
Qarjylandyrý institýttyń ǵylymi áleýetin jaqsartýǵa yqpal etedi. Qarajatqa teńizde monitoring júrgizý úshin negizgi jabdyqtardy satyp alý jáne gidrobiologiialyq jáne gidrohimiialyq zerthanalardy jaraqtandyrý josparlanýda, bul teńizdiń qazaqstandyq sektorynda bolyp jatqan protsester týraly óziniń ǵylymi-negizdelgen bazasyn qalyptastyrýǵa múmkindik beredi.
Búgingi tańda ǴZI tiimdi sharalardy ázirleý úshin halyqaralyq ǵylymi qoǵamdastyqqa belsendi integratsiialanýda, Kaspii mańy elderiniń ýniversitetteri men ǵylymi-zertteý ortalyqtarynyń qaýymdastyǵyna kirdi.
Osy qaýlyny júzege asyrý úshin Ekologiia jáne tabiǵi resýrstar ministrligine barlyq qajetti sharalardy qabyldaý, Qarjy ministrligine biýdjet qarajatynyń maqsatty paidalanylýyna qatań baqylaýdy qamtamasyz etý tapsyryldy.
