Bilim jáne ǵylym ministrligi grant taǵaiyndaý konkýrsyna qatysý úshin nemese aqyly negizde oqýǵa túsý úshin qajetti Ulttyq biryńǵai testileýdiń shekti balyna qatysty túsinik berdi, dep habarlaidy "Ult aqparat".
Ministrliktiń habarlaýynsha, «Bilim grantyn taǵaiyndaý konkýrsyna qatysý úshin nemese aqyly negizde bilim alý baǵytynda ulttyq joǵary oqý oryndaryna - keminde 65 ball, al basqa joǵary nemese joǵary oqý ornynan keiingi bilim uiymdaryna - keminde 50 ball jinaý kerek.
Munymen qosa, «Aýyl sharýashylyǵy jáne bioresýrstar», «Veterinariia» bilim salalary boiynsha - keminde 60 ball, «Pedagogikalyq ǵylymdar» salasy boiynsha - keminde 70 ball bolýy tiis.
Al «Densaýlyq saqtaý jáne áleýmettik qamtamasyz etý (meditsina)» salasyna kem degende 65 ball qajet.
Budan buryn habarlanǵandai, pedagogika mamandyqtaryna túsý úshin eń tómengi kórsetkish 70 balǵa deiin kóterildi.
