Ulttyq biryńǵai testileýge tyiym salynǵan zattardy alyp ótpek bolǵandar biyl oqýǵa túsý múmkindiginen aiyrylady. Bul týraly Ulttyq testileý ortalyǵynyń direktory Didar Smaǵulov aitty, dep habarlaidy QazAqparat.
«Biyldan bastap Ulttyq biryńǵai test erejeleriniń saqtalýyn baqylaýdy qatańdattyq. Birinshiden, test tapsyrýshydan ótkizý pýnktine kirý barysynda tyiym salynǵan zattar, iaǵni smartfon, shpargalka tabylsa, ony UBT tapsyrýǵa jibermeimiz. Talapker biyl UBT tapsyrý múmkindiginen aiyrylady. Bul, jańa erejeniń ereksheligi», - dedi ol ministrliktiń Facebook-paraqshasynda ótken onlain-brifing barysynda.
Sonymen qatar ortalyq basshysy osy jyldyń 25 tamyzyna deiin UBT ótkizilgen aýditoriialardan túsirilgen beinejazbalardyń barlyǵy qaralatyndyǵyn jáne taldaý jasalatyndyǵyn aitty.
«Eger, erejeni buzý faktisi anyqtalsa, onda UBT nátijesin jáne grant berý konkýrsynyń nátijesin joiýǵa múmkindik alyp otyrmyz. Sondyqtan barlyq UBT tapsyrýshylardy óz bilimine senýge, tyiym salynǵan zattardy ákelmeýdi ótinemiz», - dedi Didar Smaǵulov.
