UBT tapsyrý úshin túlekterden PTR testiden ótkeni týraly eshqandai anyqtama talap etilmeidi. Bul týraly Ulttyq testileý ortalyǵynyń direktory Didar Smaǵulov málim etti, dep habarlaidy QazAqparat.
Onlain rejimde ótken baspasóz máslihatynda koronavirýs infektsiiasy boiynsha «talapkerler úshin PTR testiden ótkeni týraly anyqtama bolýy mindetti me?» degen suraq qoiyldy.
«PTR testiden ótkeni týraly eshqandai anyqtamany suramaimyz. Talapkerler tek maska taǵyp kelýin tiis. Keiin UBT ótkizý pýnktine kirer kezde jańa maskalardy taratamyz», - dedi D. Smaǵulov Ortalyq kommýnikatsiialar qyzmetinde.
Sonymen qatar ol ǵimarattyń ár qabatynda sanitaizerler bolatynyn, sáikesinshe, qol arqyly infektsiianyń taralýy bolmaitynyn jetkizdi.
Onyń sózine qaraǵanda, ár test tapsyrýshy 5 baqylaý kezeńinen ótetin bolady, onyń ishinde syrtqy kiimdi dezinfektsiialyq eritindilermen zalalsyzdandyratyn arnaiy dáliz arqyly ótý eskerilgen.
Aýditoriiada test tapsyrýshylardy otyrǵyzý keminde eki metr araqashyqty saqtaý arqyly júzege asyrylady. Bul rette aýditoriia únemi jeldetiledi.
