Kolledj, joǵary oqý oryndarynyń stýdentteri kóbinese qashyqtan oqý formatynda oqityn bolady. Bul týraly Ortalyq kommýnikatsiialar qyzmetinde onlain ótken brifingte QR Bilim jáne ǵylym ministri Ashat Aimaǵambetov aitty, dep habarlaidy «Ult aqparat».
«Kolledj, joǵary oqý orny stýdentteri kóbinese qashyqtan oqý formatynda oqityn bolady. Keibir mamandyq boiynsha tájiribe, laboratoriialyq jumys jáne basqa da osyndai dástúrli oqý rejimi boiynsha usynystardy qabyldap, ondai múmkindikti beremiz. Sondai-aq, shalǵaidaǵy aýyl-aimaqtarda da kolledjer bar. Epidemiologiialyq jaǵdai jaqsy bolsa olarǵa dástúrli túrde sabaq berýge ruqsat etemiz», - deidi Bilim jáne ǵylym ministri Ashat Aimaǵambetov.
Onyń aitýynsha, magistratýraǵa test tapsyrý boiynsha aitarlyqtai ózgerister joq.
«Biyl testileý tamyz aiynda uiymdastyrylady. Aǵylshyn tilin igerý boiynsha talaptardy sál kúsheittik. Osyny qospaǵanda úlken ózgerister joq. Qazirgi ýaqytta bakalavriat jáne doktarantýra boiynsha jumystar júrip jatyr. Bakalavriat boiynsha UBT aiaqtaldy. Endi UBT negizinde sertifikattarmen kúni keshe qujattardy qabyldaý rásimi bastaldy. Osy rásimdi 25 shildege deiin sozdyq», - deidi ol.
