UBT erejesin buzyp, biyl test tapsyrý múmkindiginen aiyrylǵan túlekter qańtar aiyndaǵy test sertifikatyn paidalana alady. Bul týraly QR Ulttyq testileý ortalyǵy túsindirdi, dep habarlaidy "Ult aqparat".
«Dostar, eger siz UBT-ny 2020 jyldyń qańtarynda tapsyryp, shekti ball jinaǵan bolsańyz, sol sertifikatpen JOO-ǵa aqyly negizde túse alasyz. Óitkeni zańnyń keri kúshi bolmaidy, tipti maýsym aiyndaǵy testileýge kirmeseńiz nemese maýsymdaǵy UBT nátijeńiz joiylǵan bolsa da, qańtar aiynyń UBT sertifikaty jaramdy bolyp qala beredi», - deidi testileý ortalyǵy.
Aita keteiik, joǵary oqý ornyna aqyly negizde túsý úshin UBT jylyna 4 ret ótkiziledi (qańtar, naýryz, maýsym jáne tamyz). Bul rette, oqýǵa túsýshiler bilim granty konkýrsyna qatysý úshin maýsym aiynda ótetin UBT-ny tapsyrýy qajet.
Biyl 21 maýsym men 5 shilde aralyǵynda elimizdiń barlyq óńirinde Ulttyq biryńǵai testileý ótedi.
Testileýdiń alǵashqy kúni 6 186 adam qatysyp, 164 talapker ereje buzdy jáne biyl test tapsyrý múmkindiginen aiyryldy.
Al 22 maýsymda – testileýdiń ekinshi kúni respýblika boiynsha 9 748 talapker qatysyp, onyń 261-i aýditoriiadan shyǵaryldy.
