Ulttyq testileý ortalyǵy UBT beinejazbalaryn tekserip, 97 balanyń grantyn qaitaryp aldy, dep habarlaidy "Ult aqparat".
«Konstitýtsiia kúnine 97 balaǵa jaqsy jańalyq! UBT beinejazbalarynyń qorytyndysy boiynsha 158 test tapsyrýshynyń nátijesi joiyldy, olardyń 97-si grant iegeri atanǵan bolatyn (sonyń ishinde 138 ball alǵan túlek te bar). Soǵan orai, ádil tapsyrǵan, biraq grantqa ótpegen 97 bala 2 apta ishinde grant iegerleri atanyp, tirkeletin bolady. Tolyǵyraq Ulttyq testileý ortalyǵynyń paraqshasynda jariialaimyz», - dep jazdy Ulttyq testileý ortalyǵynyń direktory Didar Smaǵulov Feisbýk jelisinde.
Ókinishke orai, tártipti qamtamasyz etetin kezekshiniń de qylmystyq áreketke bailanysy anyqtalǵan.
«Qarańyzdarshy, qandai «batyrlyqpen» suraq kitapshasyn fotoǵa túsirip otyrǵan balany denesimen jaýyp tur? Kem degende onyń bilim berý salasynan jumystan bosatylýyn, al odan beter shara retinde qatal jaýapkershilikke tartylýyn talap etetin bolamyz.
Alǵa, ádil Qazaqstan!», - deidi UTO basshysy.
