Foto: TJM
Qazaqstannyń Tótenshe jaǵdailar ministrligi azamattardy kóktemgi muzǵa shyǵý qaýpi týraly eskertedi. Muz tez erigen kezde óte álsiz bolady, adamnyń salmaǵyn kótermeidi, dep habarlaidy Ult.kz.
Maýsym bastalǵannan beri 46 adam, onyń ishinde Alakól kólindegi dreifti muzda qalǵan 25 balyqshy jáne «Teris Ashybulaq» sý qoimasynda muzdyń synǵan keseginde qalyp, jaǵadan alystap bara jatqan 5 balyqshy qutqaryldy. Muz astyna túsken 11 avtomobil de shyǵaryldy.
Kóktemde muz beriktigin joǵaltady, qurylymy bosap, betinde jaryqshaqtar paida bolady. Qysqy balyq aýlaý men ótkelder asa qaýipti. Osyǵan bailanysty qutqarýshylar muzǵa shyǵýdan bas tartýdy, sondai-aq sý aidyndarynda saqtyq sharalaryn saqtaýdy usynady.
Ótken jyldyń kúzinen bastap TJM «Muz-2025» respýblikalyq úgit-profilaktikalyq aktsiiasy aiasynda muzda adam óliminiń aldyn alý boiynsha aýqymdy jumys júrgizýde.
- - 20,5 myńnan astam reid pen patrýldeý júrgizildi;
- - 122 myń adammen profilaktikalyq áńgimelesý ótkizildi;
- - 71 myńnan astam balyqshy men ańshyǵa nusqaý berildi;
- - 1700 saýda núktesinde 152 myń jadynama men paraqsha taratyldy.
TJM eske salady:
- Bir adamǵa arnalǵan muzdyń qaýipsiz qalyńdyǵy keminde 10 sm;
- Qarańǵyda, kóriný nashar bolǵan kezde, muz qatý jáne erý kezeńinde muzǵa shyǵýǵa tyiym salynady;
- Muzdyń qalyńdyǵy 10-nan 25 sm-ge deiin jáne qutqarý keýdeshesi bolǵan kezde ǵana muzda balyq aýlaýǵa ruqsat etiledi.
