Foto: TJM
Jańa jyldyq is-sharalarǵa daiyndyq qyzý júrip jatyr. Elimizdiń barlyq turǵyndary merekeni qarsy alýǵa daiyndalýda. Mereke tótenshe oqiǵasyz ótýi úshin TJM jańa jyldyq is-sharalardy daiyndaý jáne merekeleý kezinde órt qaýipsizdigi sharalaryn qatań saqtaýdy eske salady.
Aýqymdy merekelik is-sharalar ótkiziletin úi-jailarda terezelerde torlar bolmaýy tiis, evakýatsiialyq joldar bos bolýy kerek.
- Shyrshany berik tirekke ornatý kerek, ol bólmeden shyǵýǵa kedergi keltirmeýi tiis. Shyrshany janǵysh oiynshyqtarmen bezendirmeńizder.
Úi-jaida otshashýlardy, petardalardy jáne basqa da órt qaýipti áserlerdi paidalanýǵa qatań jol berilmeidi.
Pirotehnikany ǵimarattardan, avtoturaqtardan 50 metrden jaqyn, elektr berý jelileriniń, shatyrlar men aǵashtardyń astynda iske qosýǵa jol berilmeidi. Kámeletke tolmaǵandarǵa pirotehnikany óz betinshe paidalanýyna tyiym salynady. Sondai-aq saliýtterdi qoldan, balkondar men lodjiialardan ushyrý qaýipti, - delingen habarlamada.
Sonymen qatar pirotehnikalyq buiymdardy mamandandyrylǵan pavilondarda satyp alý qajet ekendigine nazar aýdaramyz. Pirotehnikany, jaryqtandyrýdy, elektr girliandalaryn jáne áshekeilerdi tiisti sertifikattyń bar ekenine kóz jetkizip satyp alyńyz.
Mereke kúnderi oqiǵasyz ótýi úshin órt qaýipsizdigi erejelerin saqtańyzdar:
- belgisiz óndiristiń elektr girliandalary men pirotehnikasyn satyp almańyzdar;
- qoldanar aldynda nusqaýlyqpen tanysyp, ony qatań saqtańyzdar;
- pirotehnikany qatty jelde iske qosýǵa bolmaidy;
- bir ýaqytta birneshe joǵary qýatty qurylǵylardy qosý arqyly elektr jelisin shamadan tys júktemeńizder;
- eger siz úiden ketseńiz nemese uiyqtaýǵa jatsańyz, girliandtardy toqqa qosýly qaldyrmańyzdar;
- balalarǵa pirotehnikalyq buiymdardy óz betinshe iske qosýǵa ruqsat bermeńizder;
- balalardy qaraýsyz qaldyrmańyzdar.
