Foto: ashyq derekkóz
Tótenshe jaǵdailar ministrligi qar kóshkini júrý qaýpi týraly eskertti, dep habarlaidy Ult.kz.
Qar kóshkini jaǵdaiyn baqylaý maqsatynda "Qazseldenqorǵaý" MM mamandary kóshkin qaýpi bar aýmaqtarǵa turaqty monitoring júrgizip, olardy júieli túrde tekserip jatyr.
Búgingi kúni respýblika boiynsha 378 jerústi tekserý júrgizildi. Qar kóshkini júrýi múmkin aýdandarda 110 eskertý belgisi ornatyldy.
"Qolaisyz aýa raiy jaǵdaiyna jáne keibir ýchaskelerde qar jamylǵysynyń jinalýyna bailanysty kóshkin qaýpi joǵary jekelegen ýchaskelerde qar kóshkinderiniń ózdiginen túsý qaýpi saqtalyp otyr", - dep jazylǵan habarlamada.
Túrkistan jáne Jambyl oblystarynyń biik taýly aýdandarynda, sondai-aq Almaty qalasy, Almaty, Shyǵys Qazaqstan jáne Jetisý oblystarynyń taýly aýdandarynda qar kóshkini qaýpi saqtalýda, qar kóshkinderiniń ózdiginen túsý yqtimaldyǵy joǵary.
Kóshkinderdiń júrýine túrtki bolý qaýpine bailanysty qar basqan betkeilerge shyqpaǵan jón, deidi ministrlikte.
TJM qar kóshkini qaýpi týraly eskertý jariialanǵan kezeńde taýly aimaqtarǵa barýdan bas tartýdy usynady.
