Nur-Sultan qalasy Tótensh jaǵdailar departamenti memlekettik órt baqylaý basqarmasynyń basshysy Erkin Otarǵalymuly Aqorda mańy men D. Qonaev kóshesinde bolǵan órt jóninde pikir bildirdi, dep habarlaidy "Ult aqparat".
«Keshe saǵat 14:06-da 101 qyzmetine D. Qonaev kóshesiniń boiynda terek mamyǵynyń órtengeni týraly habar kelip tústi. Órt sóndirý bólimsheleri saǵat 14:13-te shaqyrý ornyna kelip, 250 sharshy metr aýmaqta terek mamyǵy órtengenin anyqtady. Saǵat 14:29-da órt tolyǵymen sóndirildi. Oqiǵa saldarynan eshkim zardap shekken joq. Órt sóndirý bólimsheleriniń úilesimdi is-qimyly arqyly ot memlekettik menshik jáne sharýashylyq júrgizý nysandaryna ótken joq», - dedi E. Otarǵalymuly.
Onyń aitýynsha, terek mamyǵynyń órtený faktileriniń barlyǵy adamdardyń otty abaisyz paidalanýynan bolady. Keshegi jaǵdai da dál sondai.
Aita keteiik, bir ǵana 24 mamyrda Nur-Sultan qalasy Tótenshe jaǵdailar departamentiniń Órt sóndirý bólimsheleri terek mamyǵynyń janýyna bailanysty 53 ret órt oryndaryna shyqty.
