Nur-Sultan qalasy politsiia departamenti jergilikti politsiia basqarmasy bóliminiń bastyǵy Azamat Sadyqov ákimdiktiń aqparat alańynda ótken brifingide ortalyq sý paidalaný qaiǵdattaryn buzýdyń qandai ákimshilik saldary bar ekenin túsindirdi, dep habarlaidy "Ult aqparat".
«Politsiia departamenti tyiym salynǵan jerlerde shomylý, aýyzsý jáne turmystyq qajettilikke sý alý, mal sýarý, shaǵyn kólemdi kemelermen jáne basqa da júzetin quraldarmen júzý siiaqty ortalyq sý paidalaný qaǵidalaryn buzǵany úshin Qazaqstan Respýblikasynyń ákimshilik quqyq buzý týraly kodeksiniń 364-baby boiynsha ákimshilik jaza kózdelgenin eskertedi. Birinshi rette ákimshilik eskertý túrinde jaza qoldanylady. Bir jyldyń ishinde qaitalansa, jeke tulǵalarǵa 2 AEK mólsherinde aiyppul salýǵa ákep soǵady», - dedi politsiia departamentiniń ókili.
Onyń sózinshe, jyl basynan beri atalǵan quqyq buzýshylyq jasaǵan 168 tulǵa ákimshilik jaýapqa tartylǵan.
«Sonymen qatar, qoǵamdyq qaýipsizdikti qamtamasyz etý, tynyshtyqty buzbaý, qoǵamdyq jerlerde alkogoldik ishimdik ishpeý, qalalar men eldi mekenderdiń aýmaǵyn abattandyrý qaǵidalaryn buzbaýǵa shaqyramyz», - dedi Azamat Sadyqov.
