Aýyl sharýashylyǵy eńbekkerlerine 400 myń tonnadan astam mineraldy tyńaitqysh jetkizildi. Bul týraly Úkimet otyrysynda Aýyl sharýashylyǵy ministri Saparhan Omarov málim etti, dep habarlaidy QazAqparat.
«Ónimdilikti arttyrýdyń mańyzdy faktory tyńaitqyshtardy jetkilikti mólsherde qoldaný bolyp otyr. Tyńaitqyshtardy qoldaný kólemin ulǵaitý úshin aǵymdaǵy jyly 30,9 mlrd teńge bólindi, bul tyńaitqyshtardy engizý kólemin ǵylymi qajettiliktiń 25%-yna deiin jetkizýge múmkindik beredi. 4 maýsymdaǵy jai-kúi boiynsha aýyl sharýashylyǵy eńbekkerlerine 405,3 myń tonna mineraldy tyńaitqysh jetkizildi (jospardyń 63%-y), budan basqa saqtaý qoimalarynda taǵy 29,4 myń tonna bar. Bul rette tiep-jóneltý jumystarynyń jalǵasyp jatqanyn jáne belgili kólemderdiń kúzgi óńdeý kezinde engiziletinin atap ótken jón», - dedi S. Omarov.
Onyń aitýynsha, tyńaitqyshtardy satyp alýda joǵary kórsetkishter Qostanai, Qyzylorda jáne Soltústik Qazaqstan oblystarynda baiqaldy. Shyǵys Qazaqstan oblysynda tiep-jóneltý tolyǵymen aiaqtaldy.
«Qalǵan óńirler tyńaitqyshtardy qoldaný kólemin josparlanǵan kórsetkishterge deiin ulǵaitýy qajet. 2023 jylǵa deiin ákimdikter men aýyl sharýashylyǵy eńbekkerleriniń ótinishteri boiynsha tyńaitqyshtardy qoldaný kóleminiń tómendeýine jol bermeý maqsatynda Aýyl sharýashylyǵy ministrligi sýbsidiia alý úshin agrohimiialyq kartogrammalar berý talabyn ýaqytsha toqtatty», - dedi ministr.
