Tutynýshylar quqyǵyn qorǵaý komiteti bir jyl ishindegi atqarylǵan jumystaryn qorytyndylady. Qurylǵan sátten bastap Komitetke 11 000 astam tutynýshy júgindi.
Azamattardyń ótinishteriniń sebepteri kóp jaǵdaida satyp alǵan kúnnen bastap 14 kún ishinde taýardy aiyrbastaýdan nemese qaitarýdan bas tartý, taýardyń tiisti sapasyzdyǵy, qyzmetterdiń/jumystardyń sapasyz oryndalýy (avtomobildi, tehnikany jóndeýdiń sapasyz qyzmetteri, jihaz jasaý jánet.b.), tańdaýdy shekteý (belgili provaiderdi internetti qosýǵa májbúrleý), alaiaqtyq bolyp tabylady.
Esepti kezeńde aýmaqtyq departamentter jetilmegen týristik týrlar úshin jalpy somasy 24 158 466 teńge (23 487 016 teńge – Sheteldegi demalys úshin, 671 450 teńge el ishinde) aqshalai qarajatty qaitarý boiynsha 85 ótinishti qarady, onyń ishinde 4 250 202 teńge qaitaryldy, sondai-aq keibir ótinishter boiynsha taraptardyń kúndi aýystyrý týraly ýaǵdalastyǵyna qol jetkizildi. Sonymen qatar, eń kóp taralǵan týristik baǵyttarTúrkiia, Egipet, Eýroodaq elderi, sondai-aq ishki týrizm boiynsha Almaty jáne Túrkistan oblysy bolyp tabylady.
2020 jyldyń esepti kezeńinde bolmaǵan is-sharalar úshin jalpy somasy 615 620 teńgege 29 bilet boiynsha ótinishter kelip tústi, onyń ishinde 11 tutynýshynyń shaǵymdary boiynsha 339 620 teńge qaitaryldy. Qalǵan 4 shaǵym boiynsha jumys júrgizilýde. Biletter Nur-Sultan qalasyndaǵy Ýspenskaianyń, «Rýki Vverh!» tobynyń kontsertterine, Belgorodtaǵy «Halyq shyǵarmashylyǵy» festivaline, «Astana – Opera» teatrynyń qoiylymdaryna jáne basqa da is- sharalarǵa satyp alyndy.
Meiramhanalarda, dámhanalarda jáne t.b. oryndarda ár túrli otbasylyq merekelerdiń, ótkizilmegen toilaryna qarajat qaitarý máselesi boiynsha ótinishterdiń sany jalpy somasy 7 544 000 teńgeden astam 47 ótinishti qurady. Onyń ishinde 5 030 000 teńge somasyna qaitarý júzege asyryldy, qalǵan ótinishter boiynsha sot organdaryna júginý usynyldy.
Aita ketetin jait, sońǵy shamamen jarty jyldyń kóleminde tutynýshylardyń quqyǵyn qorǵaýǵa Telegram-bot kómek berip keledi. Ol tutynýshylardyń quqyǵyn qorǵaý týraly Zańnyń normalaryn túsindirip, Komitettiń aimaqtyq departamentteri jaily aqparatpen bólisedi. Shaǵym túsirýge yńǵaily bolý úshin tutynýshy bot arqyly ózine qajetti salany tańdap (saýda-sattyq, qarjylyq, meditsinalyq qyzmet túrleri, t.b.), óz suraǵyn/aryzyn qaldyra alady. Bot 24/7 jumys isteidi, sondyqtan siz kez-kelgen ýaqytty quqyqbuzýshylyqtyń izine túsip, foto-video jiberip, shaǵym túsire alasyz.
Odan bólek, kez-kelgen tutynýshy shaǵymyn Egov.kz elektrony úkimeti saitynda nemese +7 (7172) 75-16-32 nómiri boiynsha jedel jeli arqyly qaldyra alady.
