Qazaqstan Respýblikasynyń Bas memlekettik sanitarlyq dárigeri Aijan Esmaǵambetova osy jyly 22 mamyrda shyqqan №37 qaýlysyna ózgerister men tolyqtyrýlar engizdi, dep habarlaidy "Ult aqparat".
Atalǵan qaýlyǵa sáikes, kóliktegi taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy: ushyp kelý aimaǵynda barlyq jolaýshylar men ekipaj múshelerine bailanyssyz termometriia júrgizýdi; dene temperatýrasy joǵary adamdar nemese aýrý simptomdary bar (jótel, entigý, tynys alýy qiyn) adamdar anyqtalǵan jaǵdaida jolaýshyny yqtimal juqtyrýdy boldyrmaý jónindegi sharalardy saqtai otyryp, áýejai izoliatoryna aparýdy; reis kelgennen keiin eki saǵat ishinde Qazaqstan Respýblikasy Densaýlyq saqtaý ministrliginiń Veb-qosymshasyna saýalnamalardy bere otyryp, olardy taný júiesiniń derekterdi óńdeýin; ushyp shyqqan elden PTR ádisimen COVID-19 anyqtamasynsyz halyqaralyq aviareistermen kelgen jolaýshylarǵa bolatyn jerinde ushyp kelgen kúninen bastap 48 saǵat ishinde PTR ádisimen COVID-19-ǵa taldaýdan ótý mindettiligi týraly habarlama berýdi; ushyp shyqqan elden PTR ádisimen COVID-19 anyqtamasynsyz halyqaralyq aviareistermen kelgen jolaýshylar boiynsha aqparatty Taýarlar men kórsetiletin qyzmetterdiń sapasy men qaýipsizdigin baqylaý komitetiniń aýmaqtyq departamentterine jiberýdi qamtamasyz etýi tiis.
«Taýarlar men kórsetiletin qyzmetterdiń sapasy men qaýipsizdigin baqylaý komitetiniń aýmaqtyq departamentteriniń basshylary COVID-19 anyqtamasynsyz halyqaralyq aviareistermen kelgen jolaýshylardyń kelgen kúninen bastap 48 saǵat ishinde PTR ádisimen COVID-19-ǵa taldaýdan ótýin baqylaýdy qamtamasyz etsin, al ótpegen jaǵdaida olarǵa qatysty tiisti sharalar qoldansyn», - delingen qaýlyda.
Osy qaýlynyń 44-qosymshasyna sáikes, QHR, Ońtústik Koreia, Japoniia, Grýziia, Tailand elderinen kelgen azamattarǵa saýalnama jáne habarlama berý shekteý sharalary qoldanylady. Al Túrkiiadan Qazaqstanǵa kelgen azamattarǵa termometriia, saýalnama shekteý qaralary qoldanysta bolady. Munan bólek, Qazaqstan Respýblikasynyń memlekettik shekarany kesip ótý kezinde alynǵan sátinen bastap 5 táýlikten aspaityn ýaqyt ótken PTR ádisimen zerthanalyq tekserýdiń teris nátijesi bar COVID-19-ǵa tekserý týraly anyqtama bolǵan jaǵdaida – shekteýsiz júre alady. Al atalǵan anyqtama bolmaǵan jaǵdaida – ushyp kelgen kúninen bastap 48 saǵat ishinde ótý mindettiligi týraly habarlama berile otyryp, kelgen jeri boiynsha (shetel azamattary úshin), turatyn jeri boiynsha (Qazaqstan Respýblikasynyń azamattary úshin) PTR ádisimen COVID-19-ǵa zerthanalyq tekserýden ótedi.
