Almatylyq Laýra Muhtar Túrkiiada ótetin Miss Aura International 2021 sulýlyq baiqaýyna Qazaqstan atynan qatysady, - dep habarlaidy Tengrinews.kz.
Baiqaý 20 qyrkúiek pen 5 qazan aralyǵynda Antaliiada ótedi. Baiqaýǵa álemniń ártúrli elinen kelgen 70-ten asa qyz qatysady. Dástúr boiynsha Miss Aura International talanttar baiqaýy, sán kórsetilimderi, keshki jáne ulttyq kóilekter kórsetilimi sekildi birneshe kezeńderden turady. Qyzdar áleýmettik jáne qaiyrymdylyq sharalarǵa qatysady.
Laýra baiqaýǵa belsendi daiyndalyp, ulttyq jáne keshki kiim úlgilerin izdeýmen ainalysyp jatqanyn aitty. Qyzdyń aimaqtyq jáne halyqaralyq konkýrstarǵa qatysý tájiribesi mol. Ol "Almaty arýy - 2018" finalisti, onda "Sport-diva" jáne People Choice sekildi eki nominatsiiany jeńip alǵan.
Sonymen qatar, Laýra Londonda ótken "Miss SSR UK UK 2019" baiqaýynda "II vitse-miss" ataǵyn jeńip alǵan.
Sondai-aq, ol Kievte ótken Miss Queen Europe - 2019 baiqaýynda basty titýldy jeńip alǵan.
Boijetken Júrgenov atyndaǵy Qazaq ulttyq óner akademiiasynda rejisser mamandyǵyn támamdaǵan. Qazir Laýra horeograf, sonymen qatar filmderge túsedi jáne model retinde jumys isteidi. Ol tenniske, atqa minýge, kitap oqýǵa jáne án aitýǵa qyzyǵady.
Eske salaiyq, bir jyl buryn Túrkiiada ótken Miss Aura International baiqaýyna Qazaqstan atynan model Fariza Rahman qatysyp júldeli orynǵa ilige almaǵan bolatyn.
