9 mamyrda Almatyǵa Túrkiia Respýblikasynyń Úkimeti atynan gýmanitarlyq júk jetkizildi, dep habarlaidy "Ult aqparat" QR SIM baspasóz qyzmetine silteme jasap.
Júktiń ishinde meditsinalyq maska (150 myń dana), betke arnalǵan qorǵanys ekrany (50 dana), kózdi qorǵaityn kózáinek (100 dana), kombinizon (300 dana) jáne dezinfektsiialyq quraldar bar.
«Baýyrlas Túrkiianyń bul qadamy koronavirýs indetimen kúrestegi jahandyq yntymaqtastyqtyń aiqyn kórinisi bolyp tabylady», delingen habarlamada.
Sonymen qatar, 11 mamyrda Túrkiianyń jetekshi farmatsevtikalyq óndirýshisi «Abdi Ibrahim» kompaniiasy da COVID-19 koronavirýsymen kúresýde belsendi qoldanylatyn, quramynda hlorokin bar «Kutlu» dárisi men atsetiltsistein preparatyn Qazaqstanǵa gýmanitarlyq qoldaý retinde jibergen.
Gýmanitarlyq júkti meditsinalyq mekemeler arasynda taratý úshin biryńǵai distribiýtor «SQ-Farmatsiia» JShS qabyldap aldy.
Budan buryn Qazaqstanǵa gýmanitarlyq kómekti YDA Holding, Anadolu Endustri Holding (Coca-Cola Icecek), Nobel Ilac siiaqty basqa da birqatar túrkiialyq investorlar jibergen edi.
