Foto: jambylinfo.kz
Túrkistan oblysyndaǵy kópsalaly indýstriialyq-tehnikalyq kolledjiniń stýdentterine eden jýǵyzǵan. Áleýmettik jelide taraǵan aqparatqa oblystyq bilim basqarmasy túsinikteme berdi, dep habarlaidy Ult.kz Sputnik Qazaqstan-ǵa silteme jasap.
Beinejazbadan jataqhana qyzmetkerleri men stýdentter arasyndaǵy kelispeýshilikti kórýge bolady. Mamandar bólmelerdi jinaýdy tapsyrǵan. Al stýdent qyzdar óz bólmelerin ǵana jinaitynyn, uldardyń bólmesin jinaýǵa qarsy ekenin aitqan.
Oblystyq bilim basqarmasy bul jaǵdaidy birden baqylaýǵa alyp, arnaiy komissiia quryp, tiisti zerdeleý jumystaryn júrgizgen.
"23-25 aqpan kúnderi ótetin oblystyq spartakiadaǵa qatysýshylardy jataqhanaǵa ornalastyrý qajettiligi týyndaǵan. Osyǵan orai tárbieshi men vahta qyzmetkerleri stýdentterge aýyzsha túrde usynys bildirgen. Jataqhanada stýdent jigitterdiń ýaqytsha bolmaýyna bailanysty qyzdardan bos bólmelerdi tazalaýǵa kómek kórsetýdi suraǵan. Alaida keibir stýdentterdiń bas tartýyna bailanysty túsinispeýshilik bolǵan", - deidi basqarma.
Qazirgi ýaqytta stýdenttermen jáne ata-analarymen túsindirý jumystary júrgizilip jatyr. Ishki tártip talaptaryn kúsheitý jáne osyndai jaǵdailardyń aldyn alý maqsatynda qosymsha sharalar qabyldandy. Jaýaptylarǵa qatysty zańǵa sáikes tiisti sheshim qabyldanady.
Aita keteri, kolledjde búginde 1072 stýdent bilim alady, onyń 80-i jataqhanamen qamtylǵan.
