Foto: ashyq derekkóz
Túrkistan oblysynda týǵan ákesin uryp-soqqan 41 jastaǵy Almas Sadaqbaevtyń bas bostandyǵynan aiyrý jazasy 5 jyldan 6 jylǵa uzartyldy, dep habarlaidy Ult.kz.
Jetisai aýdanynda alǵashqy sot Almasqa ákesine júieli túrde zorlyq kórsetkeni úshin 5 jylǵa bas bostandyǵynan aiyrý jazasyn taǵaiyndaǵan bolatyn. Alaida Shardara aýdandyq prokýratýrasy bul jazany jeńil dep baǵalap, apelliatsiialyq shaǵym túsirdi.
Sot alqasy isti qaraǵan soń qylmystyń aýyrlyǵyn jáne qoǵamdyq qaýiptiligin eskerip, jazany kúsheitý týraly sheshim qabyldady.
– «Aldyńǵy berilgen jaza qylmystyń aýyrlyǵyna sáikes kelmeidi» degen qorytyndyǵa súiene otyryp, sot bas bostandyǵynan aiyrý merzimin uzartty, – dep habarlady sot.
Tergeý málimetteri boiynsha, Almas Sadaqbaev uzaq ýaqyt boiy qart ákesin uryp-soqqan jáne azaptaǵan. Bul is qoǵamda úlken rezonans týdyrdy.
Qariia qaitys bolǵannan keiin onyń máiitine eksgýmatsiia jasalyp, saraptama taǵaiyndaldy. Qylmystyq is Shardara aýdandyq sotyna joldanǵan. Buǵan deiin prokýror sottalýshyǵa 6 jyl 2 ai jaza suraǵan bolatyn.
Túpkilikti qaýly zańdy kúshine endi.
