Foto: gov.kz
Túrkistan oblysynda veterinariia salasynda 928 million teńge biýdjet qarajatyn jymqyrý faktisi anyqtaldy. Is boiynsha tórt laýazymdy tulǵa qamaýǵa alyndy, dep habarlaidy Ult.kz.
Oblystyq prokýratýranyń málimetinshe, "Veterinariialyq qyzmet" ShJQ MKK basshylary men jaýapty qyzmetkerleri 2022–2025 jyldar aralyǵynda iri kólemdegi qarjyny zańsyz aýdaryp otyrǵan.
Tergeý deregine sáikes, satyp alýlar kezinde tólem tapsyrmalaryna ádeii jalǵan málimetter engizilgen. Iaǵni, shyn máninde kórsetilmegen qyzmetter men jetkizilmegen taýarlar úshin biýdjetten aqsha aýdarylǵan.
Sonymen qatar kúdiktiler ózderiniń elektrondy tsifrlyq qoltańbalaryn paidalanyp, tólem qujattaryna birdei biznes sýbektileriniń JSN-daryn engizip, tek ataýlaryn ózgertip otyrǵan. Osylaisha zańsyz aýdarymdardy jasyrýǵa tyrysqan.
Prokýratýranyń málimetinshe, laýazymdy tulǵalardyń áreketi saldarynan memleketke asa iri kólemde zalal keltirilgen.
Atalǵan derek boiynsha qylmystyq is Qylmystyq kodekstiń 189-baby 4-bóligi boiynsha tirkelgen. Tergeýdi oblys prokýratýrasynyń arnaiy prokýrorlary júrgizip jatyr.
26 naýryz kúni Vetqyzmettiń eki burynǵy basshysy, olardyń orynbasary jáne bas býhgalteri kúdikti dep tanylyp, qamaýǵa alynǵan. Qazir basqa da laýazymdy tulǵalardyń qatysy bar-joǵy tekserilip jatyr.
