Túrkistan oblysynda jasóspirim qyz 3 kúnnen beri izdestirilýde. Óńirdiń Politsiia departamenti izdestirý jumystaryna kómek kórsetýdi surady, dep habarlaidy "Ult aqparat".
4 maýsym kúni Jetisai aýdanynyń jergilikti turǵyny Jetisai aýdandyq politsiia bólimine júgingen. Ol 14 jastaǵy qyzy 4 maýsym kúni túski ýaqytta úiinen belgisiz baǵytqa shyǵyp ketip, qaita oralmaǵanyn aitqan. Atalǵan jait Jetisai APB-de birden tirkeýge alynǵan.
Qazirgi tańda jergilikti politsiia qyzmetiniń ýchaskelik politsiia inspektorlary jasóspirim qyzdy izdestirý jumystaryn júrgizýde.
Sonymen qatar Jetisai aýdany ákimshiliginiń qyzmetkerlerimen birge mobildi top qurylyp, izdestirý jumystary jan-jaqty iske asyrylýda.
«Osy tusta barlyq turǵyndar men qonaqtardan joǵalǵan qyzdy tabýǵa kómektesýlerin suraimyz», - dedi Politsiia departamentinen.
Belgileri: ústinde aq tústi fýtbolka, qara djinsy shalbar jáne aiaǵynda qara tústi aiaq kiimi bolǵan. Ózimen birge qara tústi «Samsýng Dj-2» markaly uialy telefony bar.
Qandai da bir málimetke ie azamattar Jetisai APB-nyń kezekshilik nómirine: 8 7253467020 nemese politsiianyń 102 telefon nómirine habarlasa alady.
