Túrkistan oblysynyń Tólebi aýdanyna qarasty «Sairam-Ógem» shatqalynda taǵy bir adamnyń máiiti tabyldy, dep habarlaidy "Ult aqparat".
22 maýsym saǵat 11.50 kezinde Shymkent qalasy TJD jedel-qutqarý jasaǵynyń qutqarýshylary máiitti Aiǵyrjyqqan jáne Ógem ózenderiniń toǵysqan jerinen eki shaqyrym joǵaryda sý túbinen tapqan. Bul týraly Tótenshe jaǵdailar ministrliginiń resmi ókili Talǵat Ýáli málimdedi.
Múrdeni tasymaldaý úshin «Qazaviaqutqarý» AQ tikushaǵy oqiǵa ornyna bara jatyr.
Tabylǵan máiit saraptama jasalý úshin politsiia qyzmetkerlerine tabystalady.
Izdestirý jumystary 8 baǵyt boiynsha júrgizildi. Oǵan - 107 adam, 17 tehnika, 3 kvadrokopter, 4 kinologiialyq esep pen 1 tikushaq jumyldyryldy.
Eske salsaq, 21 mamyr kúni Túrkistan oblysynyń «Sary aiǵyr» shatqalyna jaiaý bet alǵan 7 týrist joǵalyp ketti. 24 mamyrda olar keri qaitýy kerek bolatyn.
25 mamyrda jastardyń joǵalǵany týraly «112» pýltine habar berilgen.
28 mamyrda 7 adamnyń 3-eýi tabylyp, qutqaryldy. Al 29 mamyr kúni eki týristiń denesi tabyldy.
TJM resmi ókili Talǵat Ýáli qalǵan eki adamdy izdeý jumysy jalǵasyp jatqanyn málim etken bolatyn. 12 maýsym kúni Maqpalsai shatqalynan altynshy týristiń denesi tabyldy.
Izdestirý jumystary 27 táýlik boiy jalǵasty.
TJM barsha azamattarǵa taýly jerlerde qaýipsizdik sharalaryn qatań saqtap, daiyndyqsyz taýǵa shyqpaýǵa shaqyrady.
