Foto: agroinfo.kz
Túrkistan oblysynyń Arys aýdanynda agroónerkásip salasynda asa iri kólemde biýdjet qarajatyn jymqyrý faktisi boiynsha sot úkimi shyqty, dep habarlaidy Ult.kz.
Bas prokýratýranyń málimetinshe, “Y” aýyl sharýashylyǵy óndiristik kooperativiniń tóraiymy 2021 jyldyń sáýir aiynda memlekettik aqparattyq júiege jalǵan málimet engizgen. Ol kooperativke 2470 bas analyq iri qara men 120 bas asyl tuqymdy buqa jalǵa alynǵan dep kórsetken.
Osynyń negizinde kooperativtiń esepshotyna memleketten 24,7 mln teńge sýbsidiia aýdarylǵan.
Alaida tekserý barysynda selektsiialyq jumystar is júzinde 18 bas asyl tuqymdy buqa men 450 bas analyq iri qaraǵa ǵana júrgizilgeni anyqtaldy. Nátijesinde memleketke keltirilgen zalal 20,2 mln teńgeni qurady.
Atalǵan derek boiynsha Qylmystyq kodekstiń 190-baby 4-bóligi 2) tarmaǵy (asa iri mólsherde alaiaqtyq) boiynsha sotqa deiingi tergeý júrgizildi.
Sot úkimimen kooperativ tóraiymy kináli dep tanylyp, 4 jylǵa bas bostandyǵynan aiyryldy. Sonymen qatar oǵan 5 jyl merzimge kommertsiialyq uiymdarda basshylyq qyzmet atqarýǵa tyiym salyndy.
Zańsyz alynǵan qarajat tolyq kólemde memleketke qaitaryldy. Úkim ázirge zańdy kúshine engen joq.
