Túrkistan oblysyndaǵy Ógem ózeniniń boiynan joǵalǵan týristerdiń zattary tabyldy.
Bul týraly QR TJM resmi ókili Talǵat Ýáli habarlady.
«Búgin saǵat 13:10-da Túrkistan oblysy Tóle bi aýdanynyń Aiǵyrjyqqan jáne Ógem ózenderi qosylǵan tustan 500 metr jerde joǵalǵan týristerdiń zattary (jempir, aiaq qiim, uiyqtaýǵa arnalǵan qap) tabyldy. TJM qutqarýshylary olardy politsiia qyzmetkerlerine tabystady. Týristerdiń biriniń anasy tabylǵan zattardyń arasynan óz balasynyń kiimin tanydy», - deidi vedomstvo ókili.
Onyń málimeti boiynsha, joǵalǵan eki týristi izdeý jumystary jalǵasyp jatqan kórinedi.
«Aimaqta «Qazaviaqutqarý» aktsionerlik qoǵamynyń tikushaǵy aerovizýaldy barlaý jasap júr. Izdestirý jumystary 15 táýlik boiy jalǵasýda. Oǵan Túrkistan oblysynyń tótenshe jaǵdailar jáne Politsiia departamentterinen, Ulttyq qaýipsizdik komitetiniń Shekara qyzmetinen, Orman sharýashylyǵynan, Ózbekstan Respýblikasy Tótenshe jaǵidarlar ministrliginiń jeke quramynan 137 qyzmetker, 17 tehnika, 1 tikushaq jáne joǵalǵan týristerdiń týystary jumyldyrylǵan. Izdeý jumystary toǵyz baǵytta júrip jatyr», - deidi Talǵat Ýáli.
Eske salsaq, buǵan deiin joǵalǵan týristerdiń biriniń sómkesi tabylǵan bolatyn.
