Túrkistan oblysynda joǵalǵan 7 týristiń ekeýi áli tabylmai jatyr. Bul jaiynda QR TJM resmi ókili Talǵat Ýáli málim etti, dep habarlaidy "Ult aqparat".
«Túrkistan oblysynda joǵalǵan týristerdi izdeý jalǵasyp jatyr. Ázirshe esh nátije bolmai tur. Izdeý jumystaryna 127 adam, 15 tehnika, 3 kvadrakopter, 3 kinologiialyq top jáne 1 tikushaq jumyldyrylǵan», - dedi ministrliktiń resmi ókili.
Talǵat Ýálidiń naqtylai túsýinshe, izdeý jumysyna jumyldyrylǵan mamandardyń qatarynda oblystyq tótenshe jaǵdailar departamentiniń 61 qyzmetkeri, 6 tehnikasy jáne 1 kvadrakopteri, Shymkent qalalyq TJD-nyń 2 qyzmetkeri, 1 tehnikasy jáne 2 kvadrakopteri, QR TJM Respýblikalyq jedel qutqarý otriadynyń 18 qutqarýshysy, 3 kinologiialyq toby men 4 tehnikasy, «Qazaviaqutqarý» AQ-nyń 1 tikushaǵy, QR UQK Shekara qyzmetiniń 9 áskeri qyzmetshisi jáne joǵalǵan týristerdiń 5 týysy bar. Sonymen qatar Ózbekstan Tótenshe jaǵdailar ministrliginiń 7 qyzmetkeri, 2 júzý quraly men 1 tehnikasy týristerdi izdeý jumysyna qol ushyn berip jatyr.
