Túrkistan oblysy koronavirýstyń taralý kórsetkishi boiynsha «jasyl» aimaqta ornalasqan. Vaktsina saldyrý kórsetkishi boiynsha elimizde 1-orynda tur, dep habarlaidy "Ult aqparat".
Sońǵy 2 aptada COVID-19 aýrýyn juqtyrý kórsetkishi 440 jaǵdaidan 225 jaǵdaiǵa deiin 2 ese tómendegen.
Búgingi kúnge deiin 293 myńǵa jýyq (91%) adam 1-komponentpen vaktsina qabyldady.
Óńirdiń epidemiologiialyq ahýaly oblys ákimi Ómirzaq Shókeevtiń tóraǵalyǵymen ótken aptalyq apparat otyrysynda talqylandy.
Túrkistan oblysyna aqpan aiynan bastap jalpy 321 myńnan astam doza vaktsina jetkizilgen.
Sonymen qatar, aqpan aiynan bastap 160 myńǵa jýyq dozadan barlyǵy 120 myńdai (75%) adamǵa salyndy.
Otandyq QazVac vaktsinasy 2000 adamǵa (100%) 1- doza, 879 (44%) adamǵa 2-doza egildi.
Mamyr aiynda Hayat Vax vaktsinasynyń 43 000 dozasy jetkizildi. 1-dozasy 100% egildi. 15 myńǵa jýyq adamǵa (35%) 2-doza salyndy.
Túrkistan oblysynda 185 myń doza Spýtnik V (Resei, KFK) jáne 752 myń doza quraityn QazVac otandyq vaktsinamen qamtamasyz etý josparlanyp otyr.
Vaktsinany saqtaý jáne tasymaldaý sharttary saqtala otyryp, jalpy 128 egý pýnktinde vaktsinatsiia júrgizilip jatyr.
SES mamandary koronavirýstyń boljamdy juqtyrý kórsetkishin bólisti. Taldaý júrgizilgen 3 myńǵa jýyq jaǵdaidyń 1114-i (38,5%) qarym-qatynastaǵylar arasynan anyqtalyp otyr.
Epidemiologiialyq tekserýler barysynda infektsiianyń boljamdy juqtyrý kózderi (oryndary) anyqtalǵan.
Atap aitqanda, naýqastardyń 30 %-ǵa jýyǵy infektsiiany merekelik, kafe jáne otbasylyq sharalar kezinde juqtyrǵan.
Qoǵamdyq kólik, bazar, dúken, kópshilik oryndarda - 45%, betperde rejimin buzǵandar, úi jaǵdaiy jáne basqa - 49% COVID-19 infektsiiasyn juqtyrǵan.
Sońǵy 2 apta ishinde aýrý/bailanysta bolǵan úi karantindik rejimin saqtaýy tiis 20-dan astam adamnyń «Ashyq» baǵdarlamasymen jumys isteitin nysandarǵa barǵany anyqtaldy.
Onyń ishinde 5-«qyzyl», 17-«sary» statýstaǵylar.
Barlyq jaǵdaida aýmaqtyq SEB basqarmalary tarapynan qaýlylar shyǵarylyp, eskertý berildi.
Zerthanalarda laboratoriialyq zertteýler boiynsha ótken táýlikte 2 300 adam tekserildi.
Jalpy, pandemiia bastalǵaly 800 myńǵa jýyq adam PTR test tapsyrǵan.
Oblys boiynsha 1200 infektsiialyq jáne 300 karantin jáne 188 reanimatsiialyq tósek-oryn uiymdastyrylǵan.
