Túrkistan oblysynyń qutqarýshylary taýda adasyp ketken 7 týristiń qalǵan ekeýin izdeý jumystaryn jalǵastyrýda, delingen Óńirlik kommýnikatsiialar qyzmeti taratqan habarlamada.
Segizge bólingen jumysshy toptar «Sairam-Ógem» parkine qarasty taýda túnep, shatqaldardy aralap júrgenine 10 kúnnen asqan. Olar búginge deiin 800 shaqyrymǵa jýyq aýmaqty jaiaý tintigen. Sondai-aq, «Kazaviaqutqarý» AQ tikushaqtary arqyly 5 670 sharshy metrdi sholyp shyqqan.
Izdeý jumystaryna Túrkistan oblysy TJ departamenti, Politsiia departamenti, UQK Shekara qyzmeti, Orman sharýshylyǵynyń mamandary jáne Ózbekstan Respýblikasynan 112 qyzmetker, 11 birlik tehnika jumyldyrylǵan.
Esterińizge sala keteiik, 24 mamyr kúni «Sairam-Ógem» parkiniń taýlaryna serýendeýge shyqqan 7 azamat joǵalyp ketken. Izdestirý jumystarynyń nátijesinde qutqarýshylar onyń úsheýin qiyndyqtan din aman qutqarsa, ekeýiniń denesin tapqan. Qalǵany izdestirilýde.
