QR Tótenshe jaǵdailar ministrligi Túrkistan oblysynda tabylǵan 6-ynshy týrist týraly málimet usyndy, dep habarlaidy "Ult aqparat".
«Aldyn ala málimetter boiynsha, tabylǵan máiit 2004 jyly týǵan jigittiki ekendigi anyqtaldy. Joǵalǵan jigittiń ákesi óz ulynyń denesin tanydy», - dedi QR TJM-nyń baspasóz qyzmetinen.
Eske salaiyq, QR Tótenshe jaǵdailar ministrligi 12 maýsymda Túrkistan oblysynyń taýlarynda joǵalǵan 6-ynshy týristiń denesi tabylǵanyn málim etken bolatyn.
21 mamyr kúni Túrkistan oblysynyń «Sary-Aiǵyr» shatqalyna jaiaý bet alǵan 7 týrist joǵalyp ketti. 24 mamyrda olar keri qaitýy kerek bolatyn. 25 mamyrda týristerdiń joǵalǵany týraly «112» pýltine habar berilgen.
28 mamyrda 7 adamnyń 3-eýi tabylyp, qutqaryldy. Al 29 mamyr kúni eki týristiń denesi tabyldy.
Búgin QR TJM resmi ókili Talǵat Ýáli qalǵan eki adamdy izdeý jumystary jalǵasyp jatqanyn málim etken bolatyn.
