Túrkistan oblysynda dosyn kóliktiń artyna bailap súiregen júrgizýshi anyqtalyp, jaýapqa tartyldy, dep habarlaidy "Ult aqparat".
Oblystyń politsiia qyzmetkerleri áleýmettik jelilerge monitoring júrgizý barysynda Instagram-daǵy paraqshalardyń birinen video baiqaǵan. Onda bir top jas jigit «VAZ-2114» markaly kóliktiń artyna dostaryn bailap, ony videoǵa túsirgeni jazylǵan.
Politseilerdiń anyqtaýynsha, oqiǵa Túrkistan qalasyndaǵy kóshelerdiń birinde bolǵan.
«Jol qozǵalysy erejesin óreskel buzǵan jas jigitke qatysty QR ÁQBtK-niń 593-baby 1-bóligi («Jolaýshylar men júkterdi tasymaldaý, jol júrisi qaǵidalarynda kózdelgen qaýipsizdik beldikterin nemese motoshlemderdi paidalaný jónindegi talaptardy saqtamaý») jáne 606-baptyń 1-bóligi («Jol júrisine qatysýshynyń jol júrisi qaǵidalaryn avariialyq jaǵdai týǵyzýǵa ákep soqqan buzýshylyǵy») boiynsha hattama toltyryldy.
Jas jigitter jasaǵan áreketteri úshin ókinip, aldaǵy ýaqytta mundai bassyzdyqtarǵa jol bermeitinin jetkizgen. Júrgizýshi Túrkistan turǵyny bolsa, janynda bolǵan dostary Taraz qalasynan kelgen.
