Túrkistan oblysynyń aýmaǵynda karantin men shekteý sharalaryn qatańdatý týraly qaýlysyna birqatar ózgerister engizildi, dep habarlaidy "Ult aqparat".
«Ashyq» jobasyna qatyspaityn nysandar jáne HQO jumys kúnderi saǵat 9.00-18.00-ge deiin jumys isteidi. Al demalys jáne mereke kúnderi QR eńbek zańnamasyna sáikes jumysy toqtaidy.
Oblys aýmaǵyndaǵy ashyq bazarlar (azyq-túlik, azyq-túlik emes), jármeńkeler qyzmetine ruqsat etilip, qoǵamdyq kóliktiń (qarbalas ýaqytta avtobýstar sanyn kóbeitý, otyratyn oryndar sany boiynsha 50% toltyrýmen, ýaqyt boiynsha 9.00-23.00-ge deiin shekteýmen) qyzmetine ruqsat etildi.
Al, dini obektiler maska kiiý rejimin jáne áleýmettik qashyqtyqty saqtai otyryp, bir adamǵa keminde 4 sharshy metr esebimen alań bólingen jaǵdaida meshitter, pravoslav shirkeýleri jáne basqa da dini obektiler aýmaǵynda ashyq aýada ujymdyq dini is-sharalar (onyń ishinde «juma namazy», kúndelikti pravoslaviialyq duǵalar jáne basqalar) ótkizýge ruqsat etildi.
Áleýmettik qashyqtyqty saqtai otyryp, maska kiiý rejimin saqtaǵan 3 adamnan aspaityn toptarmen nemese bir otbasy múshelerimen oiyn-saýyq obektilerinsiz saiabaqtarǵa, alańdar men skverlerge, jaǵajailarǵa, jaǵalaýlarǵa jáne halyqtyń ózge de demalys oryndaryna barýǵa bolatyny habarlandy.
Oblys aýmaǵyndaǵy aýdan, qala ákimderi, qoǵamdyq densaýlyq basqarmasy basshylyǵyna 15 shildege deiingi merzimde (turaqty meditsinalyq qarsy kórsetilimderi bar jáne sońǵy 3 ai ishinde COVID-19-ben aýyryp jazylǵan adamdardy qospaǵanda) vaktsinanyń birinshi komponentimen, al 2021 jylǵy 15 tamyzǵa deiingi merzimde COVID-19-ǵa vaktsinanyń ekinshi komponentimen profilaktikalyq ekpe jasaý tapsyryldy.
Profilaktikalyq ekpe júrgizý qajettiligine erekshe nazar aýdara otyryp, COVID-19 jańa koronavirýstyq infektsiiasynyń proflaktikasy máseleleri boiynsha jumyskerler arasynda aqparattyq-túsindirý jumysyn kúsheitý mindetteldi.
COVID-19-ǵa qarsy vaktsinatsiia almaǵan jumyskerler úshin (turaqty meditsinalyq qarsy kórsetilimderi bar jáne sońǵy 3 ai ishinde COVID-19-ben aýyryp jazylǵan adamdardy qospaǵanda) oflain rejimde jumysqa jiberý shekteletin boldy.
20-22 shilde aralyǵynda Qurban ait mepekeci kúnderi koronavirýstyń aldyn alý sharalaryn júrgizý algoritmi tolyqtyrylyp, qaýlyny menshik nysanyna qaramastan barlyq jeke jáne zańdy tulǵalardyń oryndaýy mindetteldi.
