«Túrkistan oblysynyń Bas memlekettik sanitarlyq dárigeri Nurbek Nyshanov óńirdegi karantin men shekteý sharalaryn qatańdatý týraly jańa qaýly qabyldady, dep habarlaidy "Ult aqparat".
Jańa qujatta koronavirýs infektsiiasy boiynsha epidemiologiialyq jaǵdai turaqtalǵansha Túrkistan oblysy aýmaǵynda karantin men shekteý sharalaryn qatańdatý jazylǵan.
«Buqaralyq is-sharalardy, otbasylyq is-sharalardy kópshilik jinalatyn oryndar men úi aýmaǵynda ótkizýge tyiym salynsyn. Qoǵamdyq oryndarǵa jáne qyzmetine ruqsat etilgen nysandarǵa barǵanda maska taǵý, áleýmettik ara qashyqtyq saqtaý jáne antiseptik paidalaný talaptary qatań saqtalsyn. Oiyn-saýyq nysandarynyń (túngi oiyn klýbtary, karaoke, býkmekerlik keńseler, jabyq ǵimarattaǵy balalar alańdary, batýt pen attraktsiondar) qyzmetine tyiym salynsyn.
«Ashyq» jobasyna qatyspaǵan nysandar – mádeniet nysandary, teatrlar, kinoteatrlar, kontsert zaldary, filarmoniialar, oblysaralyq turaqty emes tasymaldar (týristik), biliard, kompiýterlik klýbtar, boýling, tsirk, banket zaldarynyń qyzmetine tyiym salynsyn», - dep jazylǵan qujatta.
65 jastan asqan adamdardyń aýdan, kalalarda qajettilik týyndamaǵan jaǵdaida júrýin shekteý jazylǵan.
Sonymen birge, qalalyq qoǵamdyq kólik jumysyna saǵat 06:00-den 23:00-ge deiin ruqsat etilgen. Onda mindetti túrde maska taǵý, sanitaizer ornatý jáne 50% tolymdylyǵyn saqtaý talap etilgen.
Qaýlynyń tolyq mátinin Túrkistan oblysynyń sanitariialyq-epidemiologiialyq baqylaý departamentiniń saitynan oqýǵa bolady.
