Qazirgi tańda Túrkistan oblysynda 181 aýyl okrýgi bolsa, biylǵy jylǵy aýyl ákimderin sailaý 63 aýyl okrýginiń 264 sailaý ýchaskesinde ótkiziletin bolady, dep habarlaidy "Ult aqparat" óńir basshysynyń baspasóz qyzmetine silteme jasap.
Túrkistan oblysy sailaý komissiiasynyń tóraǵasy Álibek Ómirálievtiń aitýynsha,aǵymdaǵy jyldyń 25 shildesinde aldymen 60 aýyl okrýginiń turǵyndary óz tańdaýlaryn jasaityn bolady. Búgingi kúnge deiin 230 aýyl ákimdigine úmitker azamattar tirkelip úlgerdi. Onyń 76-sy tirkelgen saiasi partiialardyń usynǵan úmitkerleri bolsa, 154-i óz-ózin usynǵan azamattar.
Saiasi partiialar men jeke azamattardyń ózin-ózi usynýy boiynsha úmitkerlerdiń tirkelýi 14 shildege deiin jalǵasatyn bolady.
