Túrkistan oblysynda 10 densaýlyq saqtaý nysany salynady. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat tilshisi.
«Túrkistan oblysyn damytýdyń keshendi jospary jobasynda 10 densaýlyq nysanyn, onyń ishinde Túrkistan qalasynda 7 jáne Arys pen Saryaǵash qalalarynda 3 nysan salý kózdelgen. YDA kompaniiasy Túrkistan qalasynda memlekettik-jekeshelik áriptestik aiasynda 570 tósek-orynǵa arnalǵan oblystyq kóbeiindi aýrýhan qurylysy jobasyn iske asyrýǵa qyzyǵýshylyq tanytyp otyr. Memlekettik-jekemenshik áriptestiktiń bul jobasy respýblikalyq deńgeide júzege asyrylady jáne Túrkistan oblysynda 2021-2025 jyldary áleýmettik-ekonomikalyq damytý keshendi josparyna qosylǵan. Oblys turǵyndarymen qonaqtaryna joǵary tehnologiialyq qyzmet kórsetetin halyqaralyq deńgeidegi klinika salynatyn bolady», - dedi ol.
Sonymen qatar ol 190 tósek-orynǵa arnalǵan oblystyq balalar aýrýhanasyn salý da josparlanyp otyrǵandyǵyn aitty.
Jalpy, Túrkistan balalar aýrýhanasynyń ǵimaraty 2014 jyly salynǵan ári sanitarlyq-gigienalyq normalarǵa sai keledi.
Biraq, quramynda hirýrgiialyq beiindegi mamandandyrylǵan bólimshesi, konsýltatsiialyq-diagnostikalyq emhanasy, diagnostika bólimshesi joq.
«Josparda Túrkistan qalasynda 500 kelýshige arnalǵan qalalyq emhana qurylysy da qarastyrylǵan. Qazirgi ýaqytta B.Sattarhanov shaǵyn aýdanynda alǵashqy meditsinalyq-sanitarlyq kómek kórsetetin nysan joq», - dedi Aleksei Tsoi.
