Túrkistan qalasynyń áýejaiynan alǵashqy turaqty reis iske qosylǵan sátten bastap (2020 jylǵy 1 jeltoqsan) 160-tan astam reis oryndalyp, 47 myńǵa jýyq jolaýshy tasymaldandy. Reisterdiń ortasha kommertsiialyq júktemesi 83%-dy qurady. Bul týraly Azamattyq aviatsiia komiteti habarlady.
Azamattyq aviatsiia komitetiniń habarlaýynsha, búgingi tańda Túrkistan áýejaiynan Nur-Sultan, Almaty, Atyraý jáne Ystanbulǵa reister oryndalýda. Osy jyldyń 2-shi jartyjyldyǵynan bastap Túrkistandy aptasyna 50 reis jiiligimen 10 oblys ortalyǵymen (Aqtaý, Aqtóbe, Qaraǵandy, Kókshetaý, Qostanai, Pavlodar, Petropavl, Taldyqorǵan, Óskemen) qosý josparlanýda.
Túrkistan qalasynyń áýejaiy sheteldik áýe kompaniialardyń ushýy úshin «ashyq aspan» rejimine engizilgen, bul ony ushý geografiiasyn keńeitý úshin tartymdy etedi jáne sheteldik týrister aǵynyn tartýǵa yqpal etedi.
Sondai-aq, aǵymdaǵy jyldyń 31 mamyrynan bastap «Fly Arystan» áýe kompaniiasy Túrkistannan Bishkekke (Qyrǵyzstan) jańa reisterdi iske qosýdy josparlap otyr. Sonymen qatar, Tashkentke (Ózbekstan) reistiń ashylýy qarastyrylýda.
Reister sanitarlyq – epidemiologiialyq talaptardy qatań saqtai otyryp jáne áýe kompaniia saitynda jariialanǵan kestege sáikes ushyrylady.
