Ekologiia, geologiia jáne tabiǵi resýrstar ministri Maǵzum Myrzaǵaliev Býrabaidaǵy Jumbaqtasqa shyǵýǵa tyiym salý bastamasyna qatysty pikir bildirdi, dep habarlaidy QazAqparat.
«Men mundai usynysty qoldai almaimyn. Sebebi bizdiń azamattardyń tabiǵatty tamashalaýǵa quqyǵy men múmkindigi bolýy kerek. Týrister búkil el maqtanatyn jerdi kórý úshin alys-jaqynnan qanshama jol júrip keledi, sondyqtan bári ashyq bolýy tiis», - dedi Maǵzum Myrzaǵaliev OKQ-da ótken baspasóz máslihatynda.
Áitse de, ministr kóldiń jai-kúii men tabiǵi landshaftyna monitoring jasalýy kerektigin eskertti.
«Eger Kóbeituzdaǵydai tabiǵatty qorlaý faktileri oryn alyp jatsa, onda álbette, biz oǵan tyiym salýymyz da múmkin. Sebebi tabiǵattyń bailyǵyn saqtap qalý kerek. Biz ol bailyqty saqtap qana qoimai, urpaqqa qaldyrýymyz kerek», - dedi ol.
