Foto: Pexels.com
Májilis turǵyn úi-kommýnaldyq sharýashylyq máseleleri týraly zań jobasy men «Salyq jáne biýdjetke tólenetin basqa da mindetti tólemder týraly» kodeks pen Ákimshilik quqyq buzýshylyq týraly kodekske engiziletin ilespe túzetýlerdi birinshi oqylymda maquldady, dep habarlaidy Ult.kz.
Negizgi zań jobasy turǵyn úi qatynastary men turǵyn úi-kommýnaldyq sharýashylyq salasyndaǵy zańnamany jetildirý úshin ázirlendi. Onda qarastyrylǵan jańa tujyrymdamalar men túzetýler turǵyndarǵa kondominiým obektisiniń ortaq múlkin turǵyn úi-kommýnaldyq sharýashylyq salasyndaǵy jaǵdai men qoǵamdyq qatynastardy eskere otyryp basqarýǵa múmkindik beredi.
Zań jobasy turǵyndarǵa óz úiin kim jáne qalai basqaratynyn tańdaýdyń naqty múmkindigin usynady. Eki negizgi nusqa bar:
- - Múlik ielerin biriktirý;
- - Tikelei birlesken basqarý (jai seriktestikterge uqsas, biraq páterler sany shekteýsiz).
Bul rette jai seriktestikter joiylmaidy, olar tek birlesken basqarý tujyrymdamasyna biriktiriledi.
Páter ieleri basqarý protsesin qalai uiymdastyrý kerektigin erkin tańdai alady:
- - Táýelsiz basqarý – menshik ieleriniń birlestigi menshik ieleri arasynan jumysty uiymdastyratyn, qyzmetkerlerdi jaldaityn jáne ǵimarattyń jaǵdaiyna jaýap beretin tóraǵa sailaidy;
- - Kásibi basqarý – menshik ieleriniń birlestigi kásibi menedjermen kelisim jasai alady, al tóraǵa baqylaý fýnktsiialaryn oryndaidy;
- - Basqarýdy aýtsorsingke berý – menshik ieleriniń birlestigi tek qadaǵalaý ókilettikterin saqtai alady jáne barlyq máseleni basqarýshy kompaniiaǵa bere alady.
Turǵyndar jinalys uiymdastyrmasa, úi avtomatty túrde «tastandy» bolyp esepteledi jáne jergilikti bilik ýaqytsha basqarýshyny taǵaiyndai alady.
