QR Bas memlekettik sanitar dárigeri Aijan Esmaǵambetova mektep túlekterine attestat tapsyrý rásiminiń qalai ótetinin túsindirdi, - dep habarlaidy "Ult aqparat".
«Qazir QR Bilim jáne ǵylym ministrligimen tyǵyz bailanystamyz. Sonymen birge, UBT men attestat tapsyrý rásimin ótkizý máselelerin qarastyryp jatyrmyz. Attestat tapsyrýdyń arnaiy algoritmin ázirledik. Ol áli bekitilgen joq, jetildirý ústindemiz. Árine, 11 jyl oqyǵan bala saltanatty túrde attestat alǵysy keledi. Bul ata-analar úshin de mańyzdy», - dedi spiker QR Densaýlyq saqtaý ministrliginiń Feisbýktegi baspasóz máslihatynda.
Onyń aitýynsha, bul másele uzaq ýaqyt boiy talqylanǵan.
«Bizdiń algoritm boiynsha, bul shara mindetti túrde ashyq aýada ótýi tiis. Ara qashyqtyq saqtalýy úshin arnaiy syzyqtar salynýy tiis. Ata-analar men jaqyn týystardyń bul sharaǵa qatysqysy keletinin túsinemiz. Sondyqtan, olarǵa túbegeili tyiym salmai, rásimge keletin týystar sanyn qysqartýdy usyndyq. Eń bastysy – ara qashyqtyq saqtalyp, ózara qarym-qatynas az bolýy kerek», - dedi Aijan Esmaǵambetova.
