QR Densaýlyq saqtaý ministri Aleksei Tsoi koronavirýsqa qarsy ekpe almaǵan adamdardy vaktsinatsiialanýǵa shaqyrdy, dep habarlaidy QazAqparat.
«Halyqtyń osal toptaryn qorǵaý maqsatynda halyqty revaktsinatsiialaý tásilderi ázirlendi jáne 22 qarashadan bastap tiisti kontingentti revaktsinatsiialaý bastalady. Birinshi kezekte meditsina qyzmetkerleri, pedagogtar, meditsinalyq-áleýmettik mekemeniń, jabyq balalar mekemeleriniń personaly men kontingenti, kúsh qurylymdarynyń qyzmetkerleri egiletin bolady. Sondai-aq revaktsinatsiiaǵa belgilengen merzimderdi eskermei 60 jastan asqan adamdar, sondai-aq óz betinshe zertteýden ótken jáne KVI-ge qarsy antidenelerge testtiń teris nátijesi bar adamdar jiberiledi», - dedi ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, revaktsinatsiianyń ekinshi kezeńinde alǵashqy vaktsinatsiiany aiaqtaǵan (vaktsinatsiianyń tolyq kýrsyn aiaqtaǵannan keiin 6-9 aidan keiin) jáne 2022 jyldyń qańtarynan bastap revaktsinatsiia merzimi jetken qalǵan azamattar revaktsinatsiialaýǵa jatady.
«Koronavirýs infektsiiasynyń turaqty mýtatsiiasyn, sondai-aq egilmegen halyq arasynda aýrý jaǵdailarynyń tirkelýin eskere otyryp, men halyqty vaktsinatsiialaýǵa shaqyramyn. Sebebi bul - virýstyń taralýyn azaityp, burynǵy ómir saltyna oralýdyń jalǵyz tásili. Taǵy da eske salǵym keledi, aýyrǵan adamdardyń 96 paiyzy vaktsinatsiialanbaǵan adamdar», - dedi ol.
