Búgin QR Germaniiadaǵy elshisi Daýren Karipovtyń qatysýymen Nemis kompaniialarymen onlain kezdesý ótti.
Onda tsifrlyq transformatsiiany damytýdaǵy ekijaqty yntymaqtastyq máseleleri jáne
ekonomikany tsifrlandyrý, ónerkásipti avtomattandyrý salasyndaǵy birlesken jobalar jaiy talqylandy, - dep habarlaidy «Ult aqparat».
«Ózderińiz bilesizder, qazir Qazaqstan ǵana emes, barlyq memleketter tsifrlandyrýǵa kóship jatyr. Onyń ishinde bizdiń eldiń de kósh bastap kele jatqany kóńil qýantady. Al mundai igi isti Germaniia siiaqty damyǵan elmen birlesip atqarý tipti mol múmkindik bermek. Sondyqtan da búgin sizdermen onlain kezdesip, transformatsiia máselesin talqylaýdy jón kórdik», - dedi QR Germaniiadaǵy elshisi Daýren Karipov.
Kezdesý barysynda German ekonomikasy Shyǵys komitetiniń basqarýshy direktory Mihael Harms eki el biznesmenderiniń iskerlik bailanystaryn ornatýdyń mańyzdylyǵyn atap ótti.
«Utymdy tsifrlyq transformatsiia anyq túsiný úshin eki túrli salany qarastyrý kerek: ol kez kelgen uiymnyń osy ózgeristerdi asyrý úshin qajetti negizgi biznes múmkindikteri men osy salada tabysqa jetken uiymdardyń qoldanǵan ádisteri. Osy ádisterdiń arqasynda olar básekelesterin artta qaldyrǵan.
Tsifrlyq transformatsiiaǵa qajetti negizgi múmkindikterdi túsiný úshin kemeldený úlgisine kóz júgirtý kerek. Mundai úlgiler uiymnyń osy úrdisti damytýǵa qajetti strategiialyq baǵyttar men negizgi quraldardy qamtýy tiis.
Qazaqstan men Germaniiadaǵy tsifrlyq transformatsiiany keńeitýge odan ári serpin berýge múmkindik beretin jańa túiisý núktelerin izdeý qajet», -dedi ol.
Tsifrlyq transformatsiia tabysty bolýy úshin adammen birge tehnologiia da qajet. Tehnologiiasyz tsifrly emes, jai ózgeris bolyp qalady. Sondyqtan ony biznes strategiiada qoldaný paida ákelmeidi. Biznes strategiia men tsifrlyq strategiia bir birinen ajyramaýy kerek. Sonda ǵana tsifrlyq tehnologiianyń múmkindigin tolyq paidalana alasyz.
Al «KAZAKH INVEST» UK» AQ Basqarma Tóraǵasynyń orynbasary Jandos Temirǵalidyń aitýynsha, myqty elderdiń birlesip transformatsiialanýy alǵa damýshylyqty bildiredi. Sondai-aq, eki el arasyndaǵy yntymaqtastyqty arttyrmaq eken.
«Ózderińizge belgili, tsifrlandyrý ózekti máselelerdiń biri. Qaǵazbastylyqtan, jaýapkershilikti tsifrlandyrýǵa aýystyrý ońai emes. Kóshirý de birtalai qajyrly eńbekti talap etedi. Sondyqtan búgin onlain kezdesýde bas qosyp otyrǵan barshańyzǵa alǵys bildire otyryp, óz usynysymyzdy jasamaqpyz», - dedi «KAZAKH INVEST» UK» AQ Basqarma Tóraǵasynyń orynbasary Jandos Temirǵali.
Sonymen qatar pikirtalas barysynda Qazaqstanda júrgizilip jatqan tsifrlyq transformatsiia jónindegi qyzmet atap ótildi. Jáne qatysýshylar «Astana Hub» IT-startaptar halyqaralyq tehnoparki sheńberinde investorlarǵa usynylatyn memlekettik qoldaý quraldary týraly aqparat berdi.
Onlain-kezdesý barysynda jetekshi nemis kompaniialarynyń basshylary tsifrlyq damýdyń ortaq perspektivalaryn, ekijaqty yntymaqtastyqtyń áleýetin jáne Qazaqstannyń elektr energiiasyna arnalǵan tarifterge qatysty artyqshylyqtaryn, infraqurylymdy jáne adami resýrstardy eskere otyryp, birlesken jobalardy iske asyrýǵa erekshe nazar aýdardy.
Kezdesý sońynda «suraq-jaýap» formatynda pikirtalas ótti, onda áleýetti investorlar ózderin qyzyqtyrǵan máseleler boiynsha suraq qoiyp, al saýaldarǵa kásibi mamandar jaýap berdi.
Atalǵan kezdesýge elshimen birge, QR tsifrlyq damý, innovatsiialar jáne aeroǵarysh ónerkásibi Vitse-ministri Asqar Jambakin, QR Indýstriia jáne infraqurylymdyq damý Vitse-ministri Dinara Sheglova, «KAZAKH INVEST» UK» AQ Basqarma Tóraǵasynyń orynbasary Jandos Temirǵali, Astana Hub Bas direktory Maǵjan Mádiev, sondai-aq Siemens Advanta Lanxess AG, Gigaset AG, SAP SE, Baumüller Group, DMT GmbH & Co. KG, WILO SE siiaqty 40-qa jýyq jetekshi nemis kompaniialarynyń basshylary men ókilderi qatysty.
Esterińizge sala keteiik, Búgin QR Germaniiadaǵy elshisi Daýren Karipovtyń qatysýymen Nemis kompaniialarymen onlain kezdesý ótti. Onda tsifrlyq transformatsiiany damytýdaǵy ekijaqty yntymaqtastyq máseleleri jáne ekonomikany tsifrlandyrý,
ónerkásipti avtomattandyrý salasyndaǵy birlesken jobalar jaiy talqylandy.
