Foto: ashyq derekkóz
Qazaqstanda tsifrlyq tańbalaý júiesine jaýapty «Tsifrlyq ekonomikany damytý ortalyǵy» JShS (TsRTsE) qyzmetine qatysty qoǵamda birqatar suraq týyndap otyr, dep habarlaidy Ult.kz Qumash telegram arnasyna silteme jasap.
Atalǵan kompaniia 2005 jyldan beri jumys isteidi. Keiin «Qazaqtelekom» ony 470 mln teńgege satyp alǵan. 2020 jyly TsEDO tsifrlyq tańbalaý boiynsha ulttyq operator mártebesine ie bolady. Iaǵni, ol naryqtaǵy taýarlardyń zańdy ekenin rastaityn arnaiy kodtardy engizý jáne baqylaý júiesine jaýap beredi.
Alaida bul uiymnyń dál osy mindetke ne sebepti tańdalǵany týraly naqty aqparat áli kúnge deiin jariialanǵan joq.
Buǵan deiin qazaqstandyq internet keńistiginde kompaniia 2021 jyly keń aýqymdy tańbalaý júiesin engizýdi jariialaǵany jazylǵan. Sol kezde usynylǵan kórsetkishter aitarlyqtai aýqymdy bolǵan: kóleńkeli naryqty 70–80 paiyzǵa deiin qysqartý, ekonomikaǵa 900 milliard teńgege deiin qosymsha úles qosý, adal biznestiń tabysyn 11,3 paiyzǵa arttyrý jáne biýdjetke jyl saiyn 100 milliard teńgege deiin salyq túsimderin qamtamasyz etý josparlanǵan.
Alǵashqy kezeńde kórsetkishter ósim kórsetkenimen, keiin tómendeý úrdisi baiqalǵany aitylady. Sonymen qatar kompaniianyń qarjylyq eseptiligi men memlekettik kelisimsharttary týraly tolyq aqparat ashyq derekkózderde qoljetimdi emes. Keibir siltemelerdiń jumys istemeýi de aqparatqa qol jetkizýdi qiyndatqan.
Osyǵan bailanysty redaktsiia TsEDO-ǵa resmi saýal joldaǵanyn málimdedi.
