Diplomdy tsifrlandyrǵan kezde onyń qaǵaz nusqasy da saqtalyp qalady. Bul týraly QR Bilim jáne ǵylym vitse-ministri Rústem Biǵaridiń qatysýymen ótken onlain brifingte aityldy, dep habarlaidy QazAqparat.
Vitse-ministrdiń aitýynsha, azamattardyń diplomy Ulttyq bilim málimet bazasynda tirkeledi.
«Joǵary oqý orny jáne kolledj túlekteri diplomnyń qaǵaz túrindegi nusqasyn da alady, sondai-aq elektrondyq kóshirmesi de saqtalady. Diplomnyń qaǵaz nusqasy saqtalady, sebebi shetelge baratyndar sol jaqta qaǵaz túrinde kórsetedi», - deidi QR Bilim jáne ǵylym vitse-ministri Rústem Biǵari.
Sondai-aq, ol jumys berýshi diplomnyń jasandy emes ekenin tek Bilim jáne ǵylym ministrliginen ǵana bile alatynyn aitty.
«Árine, biz málimetter bazasyn bárine ashyp bere almaimyz. Ár adam diplomnyń túpnusqa nemese jasandy ekenin ózi teksere alady. Jumys berýshi diplomnyń elektrondy kóshirmesin Bilim jáne ǵylym ministrligi arqyly ala alady. Málimetterdi taratyp jibermeý jónindegi kelisimge qol qoiylady», - deidi ol.
