Almatydaǵy Balýan Sholaq atyndaǵy sport saraiynyń sahnasynda Jasandy intellekt jyly aiasynda uiymdastyrylǵan «Jas Stars» atty aýqymdy jastar kontserti ótti. Jarqyn mýzykalyq sharaǵa 5000-nan astam kórermen jinalyp, zamanaýi tehnologiia, shyǵarmashylyq jáne azamattyq belsendilik toǵysqan alańǵa ainaldy.
Kontsertke jastar uiymdarynyń ókilderi, belsendiler, eriktiler jáne Almaty turǵyndary qatysty. Is-shara barysynda spikerler azamattardyń eldiń qoǵamdyq ómirine qatysýynyń mańyzdylyǵyn atap ótip, 15 naýryzda ótetin respýblikalyq referendým memleket bolashaǵy úshin mańyzdy oqiǵa ekenin aitty.
Baǵdarlamanyń erekshe qonaqtary — robo-DJ Temirbek pen almatylyq Ádilet barysy kórermenderdiń erekshe qyzyǵýshylyǵyn týdyrdy. Olar bi bilep, interaktivti qoiylymdar kórsetip qana qoimai, kórermendermen belsendi bailanys ornatyp, birlik pen ortaq qatysýdyń atmosferasyn qalyptastyrdy.
Temirbek roboty men Ádilet barysy jastardy azamattyq belsendilik tanytyp, aldaǵy referendýmda jańa Konstitýtsiiany qoldaýǵa shaqyrdy.
