Almaty qalalyq ekologiia departamenti tsement zaýytyndaǵy jarylystan keiin júrgizgen tekserý qorytyndysy týraly aitty, dep habarlaidy "Ult aqparat".
«Ekologiia departamentiniń qyzmetkerleri tótenshe jaǵdai oryn alǵan jerge baryp, zaýyt aýmaǵynan synamalar aldy. Onyń nátijesi aýaǵa jaiylǵan shańnyń ruqsat etilgen shoǵyrlaný normativterinen asyp ketkenin kórsetti. Jospardan tys tekserý júrgizildi. Eske salaiyq, 7 maýsym kúni keshki saǵat 20.00 shamasynda Pavlodarskaia 48 kóshesinde ornalasqan «Nurtaý Temir», óndiristik bazasynda tsement tasityn kólikten shikizatty syǵyndy ydysqa aidaý kezinde tótenshe jaǵdai bolǵan», - dedi departamentten.
Tekserý nátijeleri boiynsha «Nurtaý Temir» seriktestigi. Qazaqstan Respýblikasynyń «Ákimshilik quqyq buzýshylyq týraly» Kodeksiniń 327, 328 babyna sáikes aiyppul túrinde ákimshilik jaýapkershilikke tartyldy. Sondai-aq Qazaqstan Respýblikasynyń ekologiialyq zańnamasyn buzýshylyqtardy joiý jáne ziiannyń ornyn toltyrý (atmosferalyq aýaǵa ziiandy zattar shyǵarǵany úshin) týraly nusqaý berildi.
