Foto: Raian Raýttyń áleýmettik jelidegi paraqshasynan
2024 jylǵy AQSh prezidenttik sailaýyna eki aidan az ýaqyt qalǵanda Donald Trampqa qastandyq jasaýǵa árekettendi dep aiyptalǵan Raian Raýt jazasyn ómir boiy túrmede óteitin boldy, dep habarlaidy Ult.kz reuters agenttigine silteme jasap.
Raian Raýt Floridadaǵy golf alańynda butanyń arasynda jartylai avtomatty vintovkamen jasyrynǵan.
Sársenbi kúni sýdianyń sheshimimen oǵan ómir boiyna bas bostandyǵynan aiyrý jazasy kesildi. Atalǵan sailaý nátijesinde Tramp qaitadan prezident qyzmetine oralǵan edi.
59 jastaǵy Raýt ótken jyldyń qyrkúiek aiynda alqabiler soty tarapynan bes bap boiynsha, sonyń ishinde adam óltirýge oqtalý aiyby boiynsha kináli dep tanyldy. Sot protsesi barysynda ol óz-ózin qorǵaýshy retinde qatysqan.
Úkimdi AQSh-tyń Florida shtatyndaǵy Fort-Pirs qalasynda ornalasqan okrýgtik sottyń sýdiasy Eilin Kennon shyǵardy.
