"AQSh prezidenttigine Demokratiialyq partiiadan kandidat Hillari Klintonnyń sailaýaldy kampaniiasynyń menedjeri Robbi Mýk respýblikashyl kandidat Donald Tramp óziniń sailaý kampaniiasyna "Kremldiń qanshalyqty qatysy baryn" túsindirýi tiis dep málimdedi. Robbi Mýk bul týraly 21 tamyzda ABC News telearnasyna bergen suhbatynda aitty", - dep habarlaidy "Ult aqparat" "Ria Novosti" aqparattyq agenttigine silteme jasap.
Budan birneshe kún buryn Tramptyń sailaýaldy shtabynyń basshysy Pol Manafort otstavkaǵa ketken edi. Manaforttyń otstavkasyna onyń Ýkrainanyń kremlshil jáne shetel agenti retinde tirkelmegen partiiasyna lobbilik jasaityny týraly aqparattyń paida bolýy sebep bolǵan
Robbi Mýk suhbatynda "Manafort qyzmetinen ketirildi, biraq bul Tramptyń kampaniiasynan reseilikter joiyldy degendi bidirmeidi" dedi. Ol "Donald Tramptyń ózi bul básekede Kremldiń qýyrshaǵy emes pe degen mańyzdy suraq týyndaidy" dedi.
Buǵan deiin Donald Tramp eger prezident bolyp sailansa Máskeýmen qarym-qatynasyn jaqsartatynyn málimdegen. Biraq ol prezidenttik qyzmet úshin kúresine Resei biligi kómektesedi degen boljamdy "kúlki keltiredi" dep atady. Kreml de mundai boljamdy teristeidi.
