Foto: iStock.com
Donald Tramp Iranǵa qarsy shabýylǵa qoldaý kórsetpegeni úshin Ispaniiamen barlyq saýdany toqtatpaq, dep habarlaidy Ult.kz.
Bul týraly AQSh Prezidenti Donald Tramp Vashingtonda Germaniia kantsleri Fridrih Mertspen ótken kezdesýinde aitty. Buǵan deiin Ispaniia AQSh-tyń Iranǵa baǵyttalǵan operatsiialary úshin óz aýmaǵyndaǵy áýe jáne áskeri bazalaryn paidalanýǵa ruqsat bermegen edi.
Al Ispaniia biligi AQSh-ty halyqaralyq quqyq pen saýda kelisimderin saqtaýǵa shaqyryp, eldiń bolashaq saýda máselesiniń saldarymen kúresýge jetkilikti resýrstary bar ekenin aitty.
Búgin Izrail Iranmen qatar Ońtústik Livanǵa da áýe soqqylaryn jasady. Bul áreket Hezbolla jasaǵynyń shabýylyna jaýap retinde jasalyp otyr.
Sondai-aq, Irannyń joǵarǵy jetekshisin taǵaiyndaýǵa jaýapty, quramynda shamamen 88 múshesi bar organ ornalasqan ǵimaratqa soqqy jasalǵany aityldy. Alaida ǵimarattaǵy adamdar zymyran soqqysyna deiin evakýatsiialanǵan.
