Foto: fingramota.kz
Pavlodar oblysynda toi ótkizý úshin nesie alyp, ony ótei almaǵan áiel sot arqyly bankrot dep tanyldy, dep habarlaidy Ult.kz.
Aryzdanýshy óziniń tólem qabiletsiz ekenin alǵa tartyp, sotqa júgingen. Onyń turaqty tabys kózi joq, asyraýynda eki kámeletke tolmaǵan balasy bar. Áiel nesieni 2019 jyly otbasylyq shara ótkizý úshin alǵan. Sotqa júgingen sátte bereshek kólemi 6 344 644 teńgege jetken.
Birinshi satydaǵy sot aryzdy qanaǵattandyrýdan bas tartqan. Alaida áiel apelliatsiialyq shaǵym túsirip, istiń qaita qaralýyna qol jetkizdi.
Sot alqasy qaryz somasynyń zańda belgilengen shekti mólsherden asatynyn, birneshe kreditor aldyndaǵy mindettemelerdiń oryndalmaǵanyn jáne bereshektiń 12 aidan astam ýaqyt boiy ótelmegenin eskerdi. Sonymen qatar, qarjy basqarýshysynyń bankrottyq rásimin qoldanýǵa negiz joq degen qorytyndysy negizsiz dep tanyldy.
Is barysynda boryshkerdiń teris piǵyly anyqtalmaǵan. Sot sondai-aq jumyssyzdyq pen tabystyń bolmaýy bankrottyqtan bas tartýǵa negiz bola almaitynyn atap ótti. Áieldiń qarjylyq jaǵdaiynyń nasharlaýy obektivti sebeptermen bailanysty ekeni jáne buryn óz mindettemelerin adal oryndaǵany da eskerildi.
Nátijesinde sot alqasy ony tólem qabiletsiz boryshker dep tanyp, birinshi instantsiia sheshimin joidy. Is boiynsha jańa sheshim qabyldanyp, áieldiń bankrottyq týraly aryzy qanaǵattandyryldy.
