Foto: yanevesta.kz
Toi mádenietin bir izge túsiretin ereje ázirleý qajet. Bul týraly Ulttyq quryltaidyń IV otyrysynda quryltai múshesi Bekzat Altynbekov aitty.
- Búgingi jahandaný dáýirinde ulttyq salt-dástúrimiz ben mádenietimizdi, til tazalyǵy men urpaq sabaqtastyǵy sekildi qundylyqtardy saqtap qalý ózekti másele bolyp otyrǵany málim. Qazaqtyń búgingi tańdaǵy torqaly toi, topyraqty ólimde jasalatyn joralǵylary, óz betterimen qabyldap alǵan ereje-tártibi qundylyqqa qundaqtalǵan ulttyq salt-dástúrimizge syzat túsirýde. Al salt-dástúr degenimiz – ulystardy biriktirýshi uly kúsh. Qazirgi jiyn-toilardaǵy beiádep sóz, anaiy anekdot, ebedeisiz oiyn, asabalar mádenietsizdigi belgili bir deńgeide ortaq qoǵamdyq baqylaýǵa alynýy qajet áleýmettik problemaǵa ainalyp barady, - dedi ol.
Onyń atap ótýinshe, mundai óreskel áreketterdi tyiý úshin ádep erejesin qabyldaý qajet.
- Óitkeni jiyn-toi – tárbieniń eń basty quraldarynyń biri. Bul álde bireýdiń qyzyǵyna aralasyp, qazan-oshaǵy men dastarhanyn bileý emes, ulttyq qundylyqtardy saqtaýdyń birden bir joly dep aitqym keledi. Toi mádenietin bir izge túsiretin ereje jobasyn ázirlep, bul máselege qoǵamdyq baqylaýdy kúsheitý kerek degen oidamyn, - dedi Bekzat Altynbekov.
Aita keteiik, Býrabaida Ulttyq quryltaidyń IV otyrysy ótip jatyr.
