MSM Sport jáne dene shynyqtyrý isteri komiteti tóraǵasynyń orynbasary Serik Jarasbaev tótenshe jaǵdai rejimi kezeńinde onlain-jattyǵýlardyń qai túrine qyzyǵýshylyq kóbirek bolǵanyn aitty, dep habarlaidy "Ult aqparat".
«QR Mádeniet jáne sport ministrligi onlain-jattyǵýlardy ótkizý boiynsha jobaǵa bastamashylyq etti. Osy aktsiiany qoldaǵan barsha sport súier qaýymǵa alǵys aitqym keledi. Sport komiteti tóraǵasy Serik Sápievtiń jetekshiligimen onlain-jattyǵýlar uiymdastyryldy. Osy oraida túrli chellendjder jalǵasyn tapqanyna qýandyq. Ony mádeniet salasynyń, sport uiymdarynyń ókilderi belsendi túrde qoldady», - dedi S. Jarasbaev Ortalyq kommýnikatsiialar qyzmetindegi baspasóz máslihatynda.
Onyń sózine qaraǵanda, jelidegi jattyǵýlarǵa 100 myńnan astam qatysty.
«Statistikaǵa súiensek, boksshylar Aibek Oralbai men Nurbek Oralbaidyń jattyǵýlaryn tamashalaǵandar kóp boldy. Sonymen qatar, aralas jekpe-jek sheberi Jalǵas Jumaǵulovty da atap ótýge bolady.
Aita keteiik, bizdiń dziýdoshylarymyzdyń jattyǵýlary asa qyzyǵýshylyq týdyrdy. Meniń oiymsha, biz barshamyz sporttyń jekpe-jek túrlerine kóbirek mán beremiz, sondai-aq osy baǵytta bizdiń sportshylarymyz jetistikterin jiti baqylap júremiz», - dedi ol.
